Mayın 29-da İsrail hava qüvvələri Qəzza bölgəsində silahlı qruplaşmalara aid olduğu iddia edilən 35 obyektə aviazərbələr endirib.

Mediatv.az  xəbər verir ki, bu barədə “RİA Novosti” məlumat yayıb.

İsrail ordusu bunun Qəzzadan atılan raket və mərmilərə cavab olduğunu bildirib. Hərbi komandanlıq aviareydlərin son dörd il ərzində ən iri miqyaslı hava əməliyyatı olduğunu açıqlayıb.

“Biz “Sarsılmaz qaya” əməliyyatından bəri (2014-cü ilin yayı) ilk dəfədir ki, belə gücdə zərbələr endiririk”, - deyə İsrail ordusunun mətbuat katibi Ronen Manlis bildirib.

Onun sözlərinə görə, hadisələrin inkişafını HƏMAS hərəkatının raket hücumlarını dayandırması yoxsa davam etdirməsi ilə bağlı qərarı müəyyən edəcək.