Səudiyyə Ərəbistanının Mədinə şəhərindən Baqladeşin paytaxtı Dakkaya uçan sərnişin təyyarəsi Ciddədə şassisiz təcili eniş edib. 

Mediatv.az “Arab News” agentliyinə istinadla xəbər verir ki, “Saudia” aviaşirkətinə məxsus layner enişə icazə alanadək Ciddə üzərində bir neçə saat dövr edib.  

Sərnişinlər hava trapları vasitəsilə təxliyyə edilib, xəsarət alanlarla bağlı məlumat verilmir. 

Hadisənin görüntüləri “Hafedh Al Ghannami”nin “Twitter” hesabında paylaşılıb.