Ermənistanda keçirilən etiraz aksiyalarının lideri və parlamentin deputatı Nikol Paşinyan vəd edib ki, müvəqqəti baş nazir təsdiq edilməyənə qədər kütləvi nümayişləri davam etdirəcək. 

Mediatv.az  xəbər verir ki, bununla bağlı o, RBK telekanalına müsahibəsində danışıb. 

Paşinyan Respublika Partiyasının onun baş nazir olmasına imkan verməyəcəyi halda etirazlardan əl çəkməyəcəyini deyib. Etirazçıların lideri özündən başqa daha kimləri baş nazir postunda görməsi ilə bağlı sualı belə cavablandırıb:

“Biz bu gün meydanda bu məsələni həll etdik”. 

Aprelin 25-i axşam saatlarında Yerevandakı Respublika meydanında Paşinyan hərəkatına dəstək mitinqi keçirilib.