Bazar günü Əfqanıstanla Pakistan sərhədindəki Dürəndə sərhəd xəttində iki ölkə silahlı qüvvələri arasında baş verən silahlı münaqişə nəticəsində iki Pakistan hərbçisi öldürülüb, ikisi isə əsir götürülüb.

Mediatv.az İnterfaks-a istinadla xəbər verir ki, bu haqda Host vilayətinin polis idarəsinin əməkdaşı məlumat verib:

“Əfqanıstan və Pakistan hərbi qüvvələri arasında silahlı münaqişə Pakistan hərbçilərinin Host vilayətinin Zazay-Maydan rayonundakı nəzarət-keçid məntəqəsini ələ keçirmək cəhdindən sonra baş verib.

Nəticədə ən azı iki Pakistan hərbçisi öldürülüb, onların meyiti döyüş meydanında qalıb. İki Pakistan hərbçisi əsir alınıb, Əfaqanıstan tərəfindən heç bir itki yoxdur”.

B.Xanın sözlərinə görə, hərbi təcavüzə qarşı durmaq üçün Əfqanıstan hərbçilərinə yerli sakinlər də kömək ediblər.

Əfqanistan hüquq-mühafizə orqanlarının nümayəndəsi bildirib ki, təhlükəsizliyə təhdid olduğuna görə münaqişə zonasında yerləşən yaşayış məntəqələrində bir neçə məktəb bağlanıb.