Türkiyə ilə ABŞ YPG-li terrorçuların nəzarətində olan Suriyanın Menbiç bölgəsi ilə bağlı məsələdə anlaşıblar.

Mediatv.az-ın xəbərinə görə, bu barədə Türkiyənin xarici işlər naziri Mövlud Çavuşoğlu məlumat verib.

O, qeyd edib ki, anlaşmaya görə, YPG həmin bölgədən geri çəkiləcək:

“YPG-nin Menbiçdən geri çəkilməsinə iki ölkə, yəni, Türkiyə ilə ABŞ nəzarət edəcək.

Həmçinin, ABŞ-ın YPG-yə verdiyi silahları geri alması məsələni də gözdən keçirəcəyik və bu məsələdə də israr edəcəyik”.