Dünya (17-02-2018, 20:39)
Ermənistanda rus pilotlar şərti düşmən aeroportunu məhv etdi
Rusiyanın Ermənistandakı “Erebuni” hərbi hava bazasında Rusiyanın Mi-8MT helikopterlərinin pilotları şərti düşmənin hərbi aerodromunu məhv edib.
Mediatv.az “RİA Novosti”yə istinadən xəbər verir ki, bu barədə jurnalistlərə Rusiyanın cənub hərbi dairəsinin mətbuat xidmətinin rəhbəri Vadim Astafyev açıqlama verib.
Təlim-tədris uçuşları həm gündüz, həm də gecə saatlarında həyata keçirilib.
“Dağ məskənində, əlverişsiz hava şəraitində uçuş tapşırıqları yerinə yetirən zaman helikopterlərin heyət üzvləri şərti düşmənin aviasiya texnikası, aeroport infrastruktur obyektlərinə zərbələr endirib və uçuş-enmə zolağını məhv edib”, – deyə Astafyev bildirib.
“MiQ-29 pilotları Ermənistan aviasiyasının şərti düşmənin yerdə olan HHM sistemlərindən qorumaq üçün tədbirlər görüb, aviazərbələrlə aeroport və rabitə sistemləri yararsız hala gətirilib. Təlim zamanı MiQ-29 qırıcısı və Mi-24P və Mi-8MT ordu aviasiyası 20-dən çox uçuş həyata keçirib”, - deyə bəyanatda bildirilir.