Rusiyanın hava hücumundan müdafiə sistemləri ABŞ-ın arsenalında olan analoji silahları üstələyir.

Mediatv.az xəbər verir ki, bu barədə “Business Insider” jurnalında məqalə dərc olunub.

Məqalədə “S-400” və “Pansir-C1” kompleksləri nümunə göstərilir. Birinci HHM sistemi səmanı düşmənin bombardmançıları və qırıcılarından, həmçinin ballistik raketlərdən qoruyur. 

İkinci HHM sistemi isə qanadlı raketlər və aşağı yüksəkliklərdə uçan obyektlər, o cümlədən pilotsuz uçan aparatlardan qorunmağa imkan verir.

Məqalənin müəllifinə görə, bu tandem Qərb ölkələrinin ordusunda analoqu olmayan hava hücumundan müdafiə sistemini təşkil edir.

CNA (Hərbi Dəniz Araşdırmaları Mərkəzi) analitiki Cefri Edmondsun fikrincə,  amerikalı hərbçilər “təmassız döyüş modelinə” üstünlük verir və  bu baxımdan, əməliyyatlarda əsas yük hərbi aviasiyanın üzərinə düşür .

“Rusiya üçün isə ABŞ-la istənilən münaqişədə, bir nömrəli tapşırıq  kütləvi hava hücumundan müdafiəni təmin etmək olacaq. Onun çoxşaxəli hərbi müdafiə sistemi məhz bu təhlükənin əsasında qurulub”, - deyə ekspert bildirib.

Onun sözlərinə görə, belə opponentlə Pentaqon əməli olaraq hələ qarşılaşmayıb. Ona görə də Rusiyanın HHM sistemləri ABŞ- sistemlərindən bu baxımdan üstündür.