Türkiyə Silahlı Qüvvələri Suriyanın Afrin şəhərində quru əməliyyatına bazar günü, yanvarın 21-də, başlaya bilər.

Mediatv.az-ın xəbərinə görə, bu barədə ölkənin baş naziri Binəli Yıldırım bəyan edib.

“Bizim aviasiyamız bu gün nəzərdə tutulmuş hədəflərin əksəriyyətinə zərbə endirib. Sabah, şəraitdən asılı olaraq, bizim quru qoşunlarımız lazımlı işi yerinə yetirəcək. Onlar Azad Suriya ordusu ilə birgə hərəkət edəcəklər”, - deyə baş nazir jurnalistlərə bildirib.

Qeyd edək ki, Türkiyə ordusu bu gün Bakı vaxtı ilə saat 18.00-da  Suriyanın Afrin bölgəsində terrorçulara qarşı “Zeytun budağı” əməliyyatı başlayıb.