London metrosunda baş vermiş partlayışa görə 2 nəfər şübhəli şəxs qismində saxlanılıb. 

Mediatv.az “Dailymail”ə istinadən xəbər verir ki, bunlar 21 yaşlı suriyalı Yahya Faroukh və adı açıqlanmayan 18 yaşlı iraqlıdır. Onların hər ikisi İngiltərəyə mühacirət edərək, Penelopa və Ronald Cons ailəsinin himayəsi altında yaşayıb. Hazırda saxlanılan şəxslər polis idarəsində dindirilir.

London metrosunun “Parsons Green” stansiyasında 15 sentyabrda baş vermiş partlayışda 30 nəfər xəsarət alıb. Partlayışa görə məsuliyyəti İŞİD terror qruplaşması öz üzərinə götürüb.

Böyük Britaniyada terror təhlükəsinin səviyyəsi kritik həddə yüksəldilib.