Milli Məclisdə “Azərbaycanda Dayanıqlı İnkişaf Məqsədlərinin (DİM) həyata keçirilməsində Milli Məclisin (MM) rolu” mövzusunda beynəlxalq konfrans  öz işinə başlayıb.

Mediatv.az-ın xəbərinə görə, konfransı açan MM-in Aqrar siyasət komitəsinin sədri Eldar İbrahimov bildirib ki, qloballaşmanın intensivləşməsi dünyada yeni çağırışlar doğurur.

Onun sözlərinə görə, yeni çağırışlara cavab vermək isə dövlətlər və hökumətlər qarşısında vacib tələblərdən biri kimi dayanır.

Komitə sədri deyb ki, ötən müddət ərzində ölkə prezidenti tərəfindən bu yöndə Dayanıqlı İnkişaf Məqsədləri (DİM) ilə bağlı Dövlət Proqramı və digər bu tipli dövlət proqramları qəbul olunub:

“Əgər DİM-lə bağlı dünyada yoxsulluğun aşağı endirilmə həddi 15 faiz nəzərdə tutulmuşdusa, Azərbaycanda artıq 2015-ci ildə yoxsuluğun göstəricisi 5 faizdən aşağı düşmüşdü. Yəni, 49 faizdən 5 faizə düşməklə, Azərbaycanda dünyada yoxsulluq göstəricisi ən az olan 29 dövlətdən birinə çevrilib. Bu, çox böyük göstəricidir”.