İcbari tibbi sığorta sahəsində ciddi islahatların aparılması üçün “İcbari tibbi sırğorta haqqında” qanuna ciddi dəyişikliklər edilməsi lazımdır: bu təklifləri Nazirlər Kabineti yanında İcbari Tibbi Sığorta üzrə Dövlət Agentliyindən gözləyirik.

Mediatv.az  Oxu.Az-a istinadən  məlumat verir ki, bunu Milli Məclisin (MM) Səhiyyə komitəsinin sədri Əhliman Əmiraslanov adlçəkilən komitənin bugünkü iclasında çıxış edərkən deyib.

Nikaha daxil olmaq istəyən şəxslərin hepatit B və C-dən də məcburi müayinə olunması ilə bağlı səslənən təkliflərə münasibət bildirən Ə.Əmiraslanov qeyd edib ki, hepatit B və C-nin patologiyaları müalicə olunur. Ona görə də digər irsi qan xəstələrindən fərqli olaraq, “belə xəstələrin nikaha girməsi qadağandır” kimi fikirləşmək düzgün deyil. 

Komitə sədri qeyd edib ki, “Reproduktiv sağlamlıq haqqında” qanun layihəsindəki bütün məsələlər Milli Məclisdə razılaşdırılıb:

“Sual doğuran bütün məsələlər həll olunub, insanları qıcıqlandıran məsələlər layihədən çıxarılıb. Bu qanun, demək olar ki, tam hazırdır və bu gün nə parlamentdə, nə də cəmiyyətdə bu layihənin əleyhinə gedən var”.