Xəbər verdiyimiz kimi, 07.01.2017 tarixdə  İsmayıllı rayon sakinləri narkotik vasitələrin dövriyyəsi ilə məşğul olduqları üçün saxlanılıblar. 

Daxili İşlər Nazirliyinin yaydığı rəsmi məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində paytaxtın Yasamal rayonu ərazisində İsmayıllı rayon sakinləri Mərdan Mehrəliyev və Şükür Hümbətov narkotik vasitələrin dövriyyəsi ilə məşğul olduqları üçün saxlanılıb.

M.Mehrəliyevin idarə etdiyi "Niva" markalı avtomobilə baxış zamanı 10 kiloqram 410 qram marixuana aşkar edilərək götürülüb.

Bəzi KİV-də yayılan məlumata görə, Şükür Hümbətov İsmayıllı Olimpiya İdman Kompleksinin direktoru Tofiq Hümbətovun qardaşıdır.  

   Bu və redaksiyamıza daxil olmuş diğər  məlumatlara aydınlıq gətirmək üçün  İsmayıllı Olimpiya İdman Kompleksinin direktoru Tofiq Hümbətola əlaqə saxladıq.O,Şükür Hümbətov adlı qardaşının olmadığını və belə bir adamı tanımadığını bildirdi. İsmayıllı Olimpiya İdman Kompleksinin fəaliyyəti ilə bağlı suaiımıza isə Kompleksin təsərrüfat hesablı bir təşkilat olduğunu və öz-özünü maliyələşdirdiyini dedi.Kompleksin heç bir təşkilata borcu olmadığını xidmətdən gələn gəlirlər hesabına bütün komunal xərclərin ,verginni və DSMF-nin pulunun vaxtında ödənildiyini dilə gətirdi.